Well, the truth is out there

有朋友問我男女關係。

「我有一個男朋友，係個教徒。佢係對我好好，又關心我又扮成日引我笑，每一次我生日呀，又或者大時大節就送花呀、朱古力呀比我。哎呀，仲有仲有，佢好有愛心嫁」，我哩個女性朋好自豪咁話，「佢仲會攞自己既收入捐既二十分一出泥俾樂施會呀，奧比斯咁嫁。」

「嘩！後生Warren Buffett喎，咁……」但係，話我知做咩呢？我反而只有啲啲興趣知佢每月捐左幾多錢喎，嘿嘿。「喂，話事話喇，」我「咋嫁姨」咁話，「二十分之一唔係好多播，有無兩千蚊呢可……」

「唉……」我哩位女性朋友無答覆我，繼續喃喃自語，鬼食泥咁講：「之但係最近我又認識左第二個男性朋友。佢做會計嫁，好好人，又好鬼死勤力，差唔多晚晚返夜學喎；仲好有愛心添呀，一得閒就做義工。總之好上進嫁啦。我地又好傾得埋欄，差唔多晚晚傾到天光呀。」嘩！晚晚傾天光，咪隨時命都無？

女性朋友又嘆一口氣，「你知唔知呀，佢問我可唔可能同佢一齊喎。」

「邊個佢呀？」我打緊email比個客，就隨口就答話。

「第二個個呀！你好衰嫁，都唔聽人講野既。」

「對......對對，好對唔住。」我放低keyboard，好認真咁話。「即係又想做你男朋友吓哇！」

「係呀，你話喇，揀邊個先好呢？我好煩惱呀。」

「好簡單之嘛。」我非常serious咁話。

「點呀，點揀呀？」女人兩眼發光。

「 Well, 揀嗰度最長嗰個。」

「──吓？」

事實都係殘酷既，「The truth is out there」，等佢思考一下，我立即逃之夭夭。