擦邊球王

論曲線思考，敢說此君是香江第一能手。

『今年中學會考中國語文卷，出現潮語怪題：「見鬼勿Ｏ嘴」、「潛水怕屈機」、「喪膽喪屍齊喪玩」、「潮人潮地領潮風」等字眼，是何意思，考生理解各異，引起爭議。奧運火棒來港傳遞，形勢複雜，到處都有美國勢力下達指示，煽動破壞，想不到連考評局的試題內也有反「聖火」的政治暗號。此話怎講？「見鬼勿Ｏ嘴」：「Ｏ嘴」指嘴巴作Ｏ形，意指睇見鬼佬來了，嘴巴勿張大成Ｏ形，企圖辯駁。勿Ｏ嘴，即理應閉嘴，即執行鬼佬的指示。這一句，指丹麥人權藝術家高志活來港，特府應該開門接客，但可能入境處理解錯了，以為「Ｏ嘴」即恐懼之意，即「見鬼不要驚恐」，要敢Say No，結果擺了烏龍，變成驅逐了丹麥鬼佬出境，這一次，禍闖大了。配合「潛水怕屈機」，就明白了：高志活低調來港，就是潛水，為的是怕原機屈打回丹麥，此句可謂一語成讖。「喪膽喪屍齊喪玩」，由親中愛國的角度：當然是指「玩寸大陸奧運」的倫敦巴黎三藩市抗議聖火的撐西藏大示威。但由人權民主的歐美角度，指的恐怕是糞青，中國海外留學生與某些海外華人的護聖火反ＣＮＮ抵制家樂福的愛國大晒馬。考評局出了這句密碼怪語，是何立場，必須表態。「潮人潮地領潮風」，可以是指曾人代與振英哥傳火棒的英姿，但也可以是號召港大女生巧文小妹打出雪山獅子旗之舉。這一切配合時事，即豁然解通，難道是巧合？考評局內看來有漢奸。 』

text from 陶傑短評：考評局內有漢奸 Apple Daily 28/4/2008

最佳影評

「結論：套戲好睇Ltd.」

──摘自某某論壇綱網友fuck129902221qqkshameonyou2008

飛刀失手

「係我做既，」李尋歡係管理處度話：「一人做事一人當，對唔住！」

廚

Food Channel有個節目叫「cook like a chef」，做廚師的P很喜歡看。上星期五晚，同P食飯，食食下佢突然話想番屋企，因為趕住睇「煮撚到個廚咁」。我話你痴撚左線呀，煮撚到個廚咁？哦，原來佢想講烹飪節目「cook like a chef」。

我同P講，你爛口成咁，就快變成中國Gordon Ramsay。佢笑笑口話，係香港，特別係廚房佬，人人爛口，分分鐘運用粗口技倆，比運用鑊鏟技倆要高幾班。「鬼佬只係識fuck哩fuck去，」P忍唔住挑左一聲：「無哩creativity」。

席間P借了我一本有趣的書，叫「五十個名廚的最後晚餐」(My Last Supper: 50 Great Chefs and Their Final Meals)。P讀番書出身，係日不落帝國讀culinary school，點知佢伯爺一句「子承父業」，就生鉤鉤咁響英國拉左P番家族生意幫手。

P話中文烹飪書寫得太膚淺，一係就錯漏百出，一係就似閂埋房門打飛機咁，自己搞俾自己睇，反而英文書寫得好有紋路。鬼佬重視實踐，講究原則，人地當烹飪係一門craftsmanship，一切菜餚都有其傳統，一步一履亦有所規範。中國人成日擔心「教識徒弟無師父」，故此都收起一式半招，留為已用，加上欠缺系統思維，試問又點會將技巧薪火相傳，又或者有條不紊咁記錄低？

Jacques Pépin係一次訪問度話，廚師係匠，自己一直都唔覺得自己係藝術家。因為，作為藝術家，作品可以時好時壞，但作為廚匠，對象係顧客，保持水準乃主要責任，若果顧客覺得好食，就會根據味覺，再來幫襯。好廚師一定要keep到一致水平，不能失守，依個先係good chef同bad chef既分別。

我話P你講得咁勁，不如搵次煮餐請我食下，「挑，做廚咁煩，」P揮揮手叫埋單：「都係轉做收銀好喇。」

我要答！我要答！

建議答案(同事J提供)

問：在兩性關係中，你再遇上多過一個吸引你的人，你會如何選擇？
答：揀大胸嗰個

問：你會如何處理這些感情生活？堅持一個伴侶，還是同時有多個伴侶？
答：會同每一個伴侶講：「我堅持一個伴侶」

問：當你知道拍拖初期的激情，並不代表真愛時，你會如何作出感情選擇？
答：嘩，條問題好混亂。咁喇，我大概會係拍拖有感情出現時同激情講byebye，或者，同激情講，你係真愛未出現之前，拿拿聲同感情做愛……(自己都唔知自己講咩)。不過，我都係想揀大胸嗰個

Text - From 16/4/2008 《明報》戀愛前，想一想 ── 愛情真相 好化學
Photo – From Internet

白花油王子的聯想

如果主角是白花油王子，對方是的士司機甲，那便是法庭故事；
如果主角是家庭主婦，對方是平凡的士司機，那便是怨婦故事；
如果主角是Stephy，對方是強壯的士司機，那便是電車男幻想的色情故事；
如果主角是梁朝偉，對方是張國榮，那便是王家衛的故事；
如果主角是北妹，對方是麻甩佬，那便是大陸公幹常發生的故事；
如果主角是美少女，對方是其初戀男友，那便是令人回味的故事；
如果主角是你老婆，對方是你，你們已經結婚二十年，那叫──科幻故事。

photo and text from《明報》顏福偉：司機甲喜歡我 坦承雙性戀 指手放下體司機不拒

惹人遐思

「你聽我解釋好唔好？」

「唔聽呀！」

「我發誓，條毛唔係我架──」

「唔係你，唔通係我？」

「你信我喇，條毛係條toro架。」

from Apple Daily 板長壽司藏體毛食客火滾

May姐

基於一些私密的原因，我很喜歡May姐。上星期六晚，在家中閒著沒事，打算邊看電視，邊吃點東西。那段時間，正好播著May姐主持的節目「鮮入為煮」，還未看完，就差點沒把嘴裡的晚餐噴出來。

我發現May姐主持節目的最大問題，並非常說「食魚有魚味，食雞有雞味」的trivial論調。老實說，就連蔡瀾也讚美鉅記「食餅有餅味」的時候，「食X有X味」這種format，反而帶點禪味，有種「見山又是山，見水又是水」的禪悟境界，教人覺得大師的味覺的確有點與眾不同。我輩凡夫俗子，大半因為味蕾笨拙，而且見識膚淺，所以，永遠「未嘗真味」，或者，「食X有Y味」。

可是May姐卻有點與眾不同。節目最大的問題，是出現在對白中。她的script似是自家泡製，並未有人替她把關，便草草出街。當然無線的製作也不見得好很多，但起碼規規舉舉，小心翼翼，生怕得罪別人。

然而，May姐的節目，充滿原始風味，直腸直肚得叫人膽戰心驚。

例如上星期的節目裡，May姐介紹木瓜湯，她問幟哥，用木瓜煲湯有甚麼好處。原本正常得很的問題，冷不妨幟哥竟說，木瓜對女性「谷奶有幫助」，教坐在幟哥身旁，穿得玲瓏浮凸的May姐無言以對。

節目下半段，May姐請來黎小田，模仿「志雲飯局」，與他邊吃邊聊。其間黎指著一道菜說味道很好，May姐回答說理所當然，因為那道菜正正是為「小孩及老人家」泡製。及後黎讚美說那湯水火喉十足，因為喝罷「身體發熱」，May姐就頻話「好彩」，以為黎小田「身體興合合」是想她「介紹女孩子」云云。

雖說本人看得津津有味，愉快非常，但此節目仍屬另類驚險表演，看來廣管局有需要加上警告提示及安排深宵時段播映。

SP

除左「大膽」兩個字之外，我都唔知講咩好。

咩係SP / SL? (from Yahoo 知識)

大王無敵

都說中國人是個君主社會。經過數千年的燻陶，君主政治經已入侵我們的DNA，成為構成我國人basic element中的一個重要部份。本人理性地收集了過去一星期，香港傳媒使用「大王」兩個字的頻密程度可見一斑：

中國滅鼠大王──李鏡 (於廣東道露天市場及旺角區滅鼠)
商品大王──羅傑斯
債券大王──格羅斯
玩具大王──蔡志明(重有「玩具女」蔡加怡)
石礦大王──呂志和
牛仔褲大王──馬介璋(而佢個「牛仔褲仔」重同「玩具大王」既「玩具長女」共諧連理添，認真複雜)
枕頭大王、飛魚大王──馬名
燕窩大王──盞記吳鴻森
快勞夾大王──杜振源
當舖大王──羅肇唐
失分大王──鄭希怡小師妹湯怡Kathy(打乒乓波輸俾乒乓孖寶後給人揶揄為)
公路大王──福禧投資張榮坤
美國地產大王──特朗普

當然，令人最迷戀，最有charisma既大王當然係佢：

細菌大王方傑 (Photos Courtesy 帶銀公主)

假設，細菌大王個女細菌女，同滅鼠大王個仔，即係滅鼠仔結婚，生個仔就叫「滅鼠細菌仔」；而咁蹺「滅鼠細菌仔」之後又同快勞夾大王個女快勞夾女拍拖，生個女會唔會有人夠膽叫佢做「快勞夾滅鼠細菌女」呢？

電影《江山美人》好評如潮，不過......

係《某某日報》話之嘛