肺腑之言

好討厭個種唔講好過講，但係唔講又唔得既說話，可惜，事實就是這樣矛盾，好似電視遊戲節目話齋：唔講唔舒服。

益食家/益飲家推介 (報紙廣告話)
閣下已被挑選成為本公司既尊貴客戶 (信用卡leaflet話)
最後今天，明天執笠，唔買實走寶 (樓下十蚊店話)
最低減至一折 (歐化傢俬話)
你係有你既道理，但係…… (同事係開會度話)
比啲靚啲泥好喎 (買生果時，你話)
搵啲靚啲既泥好喎 (去夜總會時，你同媽咪話)
你太太好靚喎 (人地太太在場時，係唔係都話)
我講個秘密你知，但你唔好話比人聽喎 (同事有gossip分享既時候話)
我當你係兄弟先至講啊……(你唔當係兄弟個啲人話)
唔係話擦你鞋先至講啊……(擦你鞋既下屬話)
哪，你唔好唔開心啊，我……(你做錯左事之後話)
我唔配愛你 (人地想飛你既時候話)
我唔能夠愛你 (人地想飛你既時候再話)
你當係我錯啦好唔好 (人地想飛你既時候再再話，如果講左上面二次都唔work既話)
我仲係好愛你嫁 (你有左第三者之後話)
I am sorry囉 (你唔覺得有錯既時候話)